Vasteloavend helle

Tekst: 
Leo Keularts & Paul Münstermann
Muziek: 
Paul Münstermann
Artiest: 
Paul & Leo
Album: 
'De leedjes 1998' - de Winkbülle - CD0198
Plaats: 
Heerlen
Jaartal: 
1998

Refring:
Joa, Vasteloavent helle, ee lekker beer besjtelle,
d'r neujje prins oetroope en ooch d'r optoch loope,
mit de ouw wiever sjpringe, d'r letste sjlager zinge,
mit de kapelle trekke, en lekker blieve plekke.

'Gee groeter leed, es wat d'r miensj zich zellef aa deet',
dat hant vier osz al duks gezach.
Me wat me mit die daagt zoeal verdraage mot,
dat hat d'r duuvel zelf bedach.
Boete is 't koat en binne veuëls te werm,
d'r sjmienk lup va die bakkes aaf.
Ze sjtont dich op de tieëne en ze sjtoeëte dich um,
toch hilste poal en reups 'alaaf'.

Zjwaam hingt wie 'ne nieëvel teëge d'r plafong,
't water lup van de tapieët.
't Hüske is verenderd in ee waterballet,
wie sjun toch, dat 't zoeë get gieët.
De MUZIEK geet voloet en ee kapelke kump i,
doe kins dieng eege weuët neet versjtoa.
Al broek ich noa dees daag wie ummer twieë daag verlof,
toch blief ich jieker joar wer goa.

En wenste nieks verdrage kins, da blieste ma heem !