Refring:
Dreej daag bin ich vasteloavendsgek,
kal ich alle soate dialek,
goa ich doa woa me d'r optoch hilt,
of woa d'r mit die daag me get te viere vilt,
Dreej daag bin ich vasteloavendsgek,
kal ich alle soate dialek.
Geleuf mich luuj, ich kosz ech neet besjtoa,
es ich mit die dreej daag neet lekker dr'oet kosz goa.

Ee joar of drei zit Oma noe in 't bejaardehoes.
Ma mit dees daag, da wurp zie zich vol in 't fesgebroes.
Al sjteet d'r dokter agen duer, zeët zie: ''t deet mich leet,
win ich mit viere veëdig bin, da zaan ich uch besjeet !'

Jonk geliert is oat gedoa, zoe woeët os duks vertelt.
Zoe hant vier mit de Karnaval al joare kloon gehelt.
Ee menke mit ing droepnaas zach noch gistere in de klas:
'Went Vasteloavend liere is, da lier ich vuer de sjpas !'