Refrein:
Vier hant d'r kop... noe wer aan 't sjwaame, vier make hüj d'r kachel aa.
Die drei döl daag viere vier same en jieëkeree sjluut zich noe aa.
Vier hant d'r kop... noe wer aan 't sjwaame, vier make hüj d'r kachel aa.
Veulst doe de vlam, zuust doe de kluur, dat is ut Vasteloavendsvuur.

Ut ganse joar mak Heële wer planne vuur d'r Klooneman.
Plezeer, de sjpas, d'r optoch, joa ech, vuur alles is ee plaan.
Ut vuur begint te brenne, os geet van alles durch d'r kop.
Vier wete ut noe waal gans zieëker, dees vasteloavend weëd wer top !

En went ut vuur geet brenne, dan reup d'r Winkbuul wer Alaaf !
De lüj die zinge, sjpringe, de vonke sjpatte d'r vanaaf !
Ut weëd hei ummer wermer, 't pilske hilt os dan waal naat.
D'r zaal, deë sjteet noe flink te koake, vuur blusse is ut al te laat !