Moeder Natuur die is mèi gans van slag
Waor zeuj 't kwik vandaag ôp staon
Want och 't wèr verschilt van dag tot dag
Wat trekte àn as ge wilt gaon
De korte bôks of toch d'n das
Ut zwempak of de règenjas?

Refrein:
Want 't kan vrieze of 't kan duije
Stèrveskald of gloejend het
Kunde de krokusse zien bluije
Motte de schàtse uut 't vet
Jao 't kan duije of 't kan vrieze
Ieën ding vurspelle weej ow gèr:
Ge het 't toch nie vur 't kieze
Lòt ow mar goan, wèr of gen wèr.

As g' ien d'n ôptocht ôp de wage gòt
Of stòt te kieke àn de kant
Dan kriegde 't het of ge wörd zeikenat
Of ge het last van kalde hand
D'r aover nöle bat gen man
Kom ôp, geniet d'r dus mar van

Dus wat de Bilt vur õns ien petto het
dat mikt mit Carnaval niks uut
Zelang ge schik mar hoeëg ien 't vaandel zet
dan schient de zon ôp owwe snuut.
Dan wördt 't fieëst vur jông en ald
Of 't now wèrm is, nat of kald??