Vur mekaar
Refrein:
weej hebbe 't wer vur mekaar, weej hebbe 't wer klaor
't was evvel wel veul geplaar, 't viel os maej wat zwaor
now hebbe we 't verrig, lit nie zwaor op de maag
now kunne weej gaon viere, dees dolle dolle daag
waeke lang geschoesterd, geknoemeld en geplaard
veul tied d'r ien gestoke, en genne caent gespaard
now kunde komme kieke, 't mug werre gezien
we hebbe d'r nie ieene, we hebbe d'r wel tien
maonde prakkeziere, gefrot en veul geklaoj
veul aovende gewerkt, daorum is ut zao maoj
weej viende ut geweldig, 't bekieke mieer dan wert
ge komt os strakkes tege, ien kroeg ien tent of mert
't is aok stukke baeter dan ut vurrig jaor
en aok stukke klender, dus aok vlugger klaor
dit is toch wel ut baeste, dat d'r oeets is gewist
mar wette geej nie wat dat is, dan hedde wat gemist