Ze zage waal, ’t geet ós good
Mit beum bis in de loeët
Ma wen ich in de loeëntuut kiek
Da veul ich mich gekloeët
Uëveral zint diekköp
Die basjte van ’t geld
En kiek ich da ins um mich hin
Da zieë ich wat mich felt

‘ne Nagelnuie wagel en ing gouwe armbandoer
Ing villa aan de Cote d’Azur mit marmer óp d’r vloer
‘ne Superflotte renpin en ing sjieke moterboot,
De brankkas vol mit fenninge, de gantse moel vol good
Ee moatkostüm oet Ingeland, ing sjtrakke sjpijkerbrook
En drei daag vasteloavend va Eisde bis in Mook

Refrein:
Dat is vuur te klauwe, dat is sjiek
Doa kinste va dreume, manjefiek
Noe sjtel dich ins vuur dat wuur ins allenui va dich
Da woasj-te geliek d’r riekste man va Sjpassemig
Dat is vuur te klauwe, dat is sjiek
Doa kinste va dreume, manjefiek

Ing echte Sjtradivarius al sjpieël ich zelf ging noeët
De proeme in d’r proemegaat, wie eier bouw zoeë groeët
’t Meëdje in de Playboy mit de nietjes in d’r boek
En bei d’r buurmaan in d’r gaad deë sjunne roeëzesjtroek
Ee vleegmesjieng mit sjtuwardes, Picasso’s sjunste dook
En drei daag vasteloavend va Eisde bis in Mook

Mè zouwe ze mich sjnappe, da han ich get paraat
Da huur ich va mie letste geld inne hegke-advokaat