't Woor eine kaoje zôndigaovendj,
't woor nog vreug en ich hej niks te doon.
't Woor zôn drie veer weake väör de vastelaovendj.
Ich zei: ' 't Bèste vrouw !' en ich pakdje mich de sjoon.

Refrein:
Want wètse waat, wètse waat, wètse waat,
't weurd laat en ich gaon vanaovendj weer op paad.
Wètse waat, 't môt snel want wètse waat.
Mörge is 't missjien te laat.

Wiej 't kiene gisteraovendj aafgeloupe woor,
zei Truuj: ' Ich bel 'ns effe op nao hoes.
Ômdet ich al drie weake achterein verloor,
môt ich nog effe weg, en ich bön nog lang neet toes !'

Jan dae woor neet good, Magere Hein dae koom 'm haole,
en dae zag: 'Jan, kôm doe mer mit mich mit.'
'Mer in de hemel is toch gaar gein beer' zei Jan, zien auge straoldjen,
'Ich môt nog effekes de kroeg in, kôm mer mit.'