Waachte

Tekst: 
Godert Koolen
Muziek: 
Otto Koolen
Artiest: 
Mirjam Aarts
Album: 
Plaats: 
Venray
Jaartal: 
2005

Dat geknaoj en dat geknoemel
't gânse jaor
Dat getowter en getoemel
Noeëts nie klaor
Már dan ruukt 't nor 't vurjaor
't Gevuul is al wer daor

Refrein:
Hiêr heb ik láng òp gewaacht
't Is vastelaovend, 't is wer zowied
Fieëste tot diêp ien d'n naacht
Nòw hebbe weej alle tied
Kiêk 's nor meej, kòm d'r már beej
Vat mienen aerm, sjoenkel mit
Weej gón d'r vur, weej hâlde dur
Same mit òw zeej án zeej
Weej hoêve nie mér te waachte
Is 'r iets mojjers as dit?

Dat gekwaek en dat gesnebbel
De gânsen tied
Dat geplaar en dat gemieter
Mòt ik vot kwiet
Dan begint 't wer te jukse
En zinge weej dit lied

Lalalalalalalalalalalala
Lalalalalalalalalalalala
Lalalalalalalalalalalala
Lalalalalalalalalalalala
Nòw hebbe weej alle tied
Kiêk 's nor meej, kom d'r már beej
Vat mienen aerm, sjoenkel mit
Weej gón d'r vur, weej hâlde dur
Same mit òw zeej án zeej
Weej hoêve nie mér te waachte
Is 'r iets mojjer as dit?
Kan 't nog mojjer as dit?