Waat d'r eigelik loos es

Tekst: 
Ton Adriaens
Muziek: 
Jon Bon Jovi - ("Bed of Roses")
Artiest: 
Album: 
Harry en De Gebroeëke Zwiêgelkes - 'Woeë ?'
Plaats: 
Weert
Jaartal: 
2001

M'n haor en d'n auto gewasse, zoeë gaon ich de weeg op.
Bin altieed wat nerveus en kiek daorum, hieël good um mich haer.
Haoj good aafstând, zit noeëts erreges kort achterop.
As ut stopleecht op greun springtj, laot ich de koppeling los.
Mer dan toetertj d'r eine en ri-jtj hae mich knats achterop.

Dae vênt gloeiendj kwaod, trektj hae mich, drek uut de waage.
Of ich achterluk bin en ich deenk nog: gao motj neet zoee jaage.
Mer ich zek leever niks, hae es mich vuls te groeët,
en daobeej, ieërlik, haaltj hae flînk uut en wat deenk-dje,
hae houwtj mich vol op mien toeët !

Refrein:
Ich heb gein benûl waat d'r eigelik loos es.
Mer vandaag bin ich weer hieël zwaor de klos.
(Oh) zjuust nôw d'r fieëst beej de Soos es,
d'n hónd beej oeës Toos es.
Ich heb gein benûl waat d'r eigelik loos es.

Kom ich op de tribuun, zit ich in't vak van de F-side.
Unne gek naeve mich maaktj zich kwaod,
goesj unne kej nao de scheids tów.
Mer hae misj en de back kriegtj dae kej in de nek.
Eederein kiektj mich aan en ich schaam mich doeët.
Dae gek wiesj nao mich -en de woute- houwe mich drek op mien toeët !

Ich kân schrieëwe en kaake ze geluîve mich neet.
Unne wout kommandieërtj mich, ich weit neet waat hae zeet.
Ich dînk ich kin gaon, drej mich um, traptj hae mich in mien reet (Oeh-yeah).

Laup daonao doeer de stad, dörref neet mieër met d'n auto.
Ich bin rats vanne kaart en ich snap d'r gein jota mieër van.
En dan, un bende getuug.
Ich börst vanne schrik en ich roop nog:
'Zoeej-dje det nôw waal doon ?'
Mer te laat, en ut leecht gieët mich uut.