Waat eine sjaele zeiver

Tekst: 
A.Erriu, F.Theunissen & M.Dirchs
Muziek: 
M.Dirchs
Plaats: 
Echt

Ich höb get huëre zegke, d'r geit hiej ein geruch.
Ich haop det 't neet waor is, de raod geit oppe vluch.
Mit vastelaovendj skië..., ze wille oet 't landj.
Waem haet die ellef gek gemaaktj, waat is hiej aan de handj ?

Refrein:
Waat eine sjaele zeiver, waat eine sjaele kal !
Waem geit noew nao de wèntjer-sport ? Hiej in Ech, dao is 't bal.
Waat eine sjaele zeiver, ich gaon nog neet eweg,
want mit dees vastelaovesdaag blief ich lever in mien Ech !
want mit dees vastelaovesdaag blief ich lever in mien Ech !

Ze zoewe s'nachs vertrèkke, den kos det neemes zeen.
't Dörp loog nog te slaope wiej de bös verdween.
De waeg woor neet te vènje, waat waerdje dao gekaldj !
Ellèf nuuje routes, richting Böhmerwald...

Ze bleeve mer aan't vaare, dao koom niks van terech,
Ze Hawwe ein gedachte.., weer wille trök nao Ech !
D'n optoch woor aan 't trèkke, ze woore jûs op tied.
De raod verklèdj op latte, waat hawwe ze 'ne spiet !!!!