Intro:
De tore van Pisa dae steit oet ’t loead
Det is zien groeat gelök
Want kaesrech van goud, in perfekte staot
Kós ‘m gèn miens dus is oze wieze raod

Refrein:
Waat löp mós se laote loupe
Waat steit mós se laote staon
Waat kump mós se laote kómme
Waat geit mós se laote gaon

Couplet 1:
Innen optoch es Miss Limburg mer doe bös gèn slanke den
Ach, ’t is toch vastelaovendj
Lings en rechs hink ‘t dich droet en ’t duutj van alle kenj
Ach, ’t is toch vastelaovendj
Ohohohohoh dien aesteroug det speeltj onnag op
Ohohohohoh steit mich de gansen optoch stop

Couplet 2:
Hink de prins inne gerdiene, zitj bie hem ‘n steekske los?
Ach, ’t is toch vastelaovendj
Ziene jas verkieërd geknuip en veure kater oppe luip
Ach, ’t is toch vastelaovendj
Ohohohohoh ‘n deenblaad dukeltj euver ‘m haer
Ohohohohoh ‘t is gelökkig dustig waer

Brök:
Monty Python haet zón luipke, det is ouch ’n bietje raar
Manneke Pis, waat steit dae dao te doon zoea in ’t openbaar?
Des ’t dagelikse laeve, dao kiek nemes gek van op
Dus doon v’r noe mit vastelaovendj nag ’n sjöpke baovedrop