Ich fiets weer dae berg op
Nao de haof van de sjtein
Wo nemes wilt ligke
Maar wo plaats is veur ederein
Ederein mót d'r aan geluive
Of t'r wilt of neet
In de haof van de sjtein
Is plaats veur ederein

Ich kin alle siefers
Van oze sjtein oet miene kop
Waat in 11 is begónne
Heel in 85 weer op
Waat mien letste siefers waere?
Dao is geine dae det wit
Ich zek't hie hel-op
Ich haop det 't nag lang neet sjtop

Maar waat mót kómme
Waert altied waat is gewaes
't Kan nicks bómme
Waas doe hie duis of zaes
Waat mót kómme
Waert altied waat is gewaes
Waat mót kómme
Waert altied waat is gewaes

Ich wo det ich hie kos baeje
Maar in mien baeje zit de klad
Wie de baejers ginge zeuke nao un raeje
Toen waar ich 't baeje sjnel zat
Noe geluif ich nieks
Maar geluif mich: nieks is ouch helemaol nicks
Maar veur geluive mós se gluive
Ich geluif det ich det höb gehad

Waat mót kómme
Waert altied waat is gewaes
't Kan nieks bómme
Waas doe hie ouch duis of zaes
Waat mót kómme
Waert altied waat is gewaes
Waat mót kómme
Waert altied waat is gewaes

In paradisum deducant te angeli
In tuo adventu suscipiant te martyres
Et perducant te in civitatem sanctam Jerusalem

Ich fiets weer dae berg op
Nao de haof van de sjtein
Wo nemes wilt ligke
Maar wo plaats is veur ederein