Waat mot det dao ?

Tekst: 
Mikel Adriaansen
Muziek: 
Mikel Adriaansen
Artiest: 
Ronald en Carien Moonen
Album: 
Plaats: 
Weert
Jaartal: 
1994

Refrein:
Waat mot det dao, waat doojae dao?
Det huuerdje oeeveral en mieer van zulke kal
Waat mot det dao, waat doojae dao?
Gae kiektj eur ouge uut op ut vastelaovundjbal
Marietje dansj de tango van Malando op eur zök
En Theo hieet ’n kroeker op ziene rök
Waat mot det dao, waat doojae dao?
Ich doon mer wat, ich doon mer wat
En ut bringt mich vol gelök

Kiektj us, dao gieet oeeme Zjaak, verkledj as brândwieermân.
Hae blusj almer ziene binnebrând, d'n hieele aovundj lângk.
En naeve 'm, dao hejje Piet, 'nne pieromaan.
En es oeem Zjaak dan uutgeblusj, stuktj Piet 'm gauw weer aan.
En dao, di-j blonde griet, des 'ne kanariepiet.
Zi-j hetj Mariet, zi-j hetj Mariet, de vörse vlam van Piet.

Unne indiaan, 'nne astronaut, 't waere d'r almer mieer.
E paterke, e zusterke, gezaegendj es d'n Hieer.
En middenin stieet Dracula, 'nne echte bruut.
En dao gieet 'nne postboeeje, dae deiltj zien breefkes uut.
Kriegdjae van hem 'nne breef, dan hieet hae uch auch leef.
't Es meister Steef, jao meister Steef, dae zelf de breefkes schreef.