Refrein:
Wae wie wat? Ich weat noe gaar nieks mie.
Wae wie wat? Ich bin d'r neet gans bie.
Wae wie wat? Drie daag langk va de welt.
Wae wie wat? Ich bin noe oetgeteld.

Wat gaet gebuëre mit os luuj rond vasteloavend ?
't Ganse dorp sjteit op d'r kop.
Va 'sjmörges vreug tot laat weer i de aovond,
lupt jieëkeraen veürop.
Huur ich 't kirkekoeër va hoempa zinge,
raak ich hievan de kluts gans kwiet.
Mer kin ich die opnuuj weer vinge,
hub ich doavan geine sjpiet.

En kiek noe doa, wie ozze ummer brave pater,
va alle meadjes muulkes kriet.
Gesjminkt, verkleidt, 'n vieëdeloere later,
i lekk're nonnevotte biet.
En ozze burgemaester, neet te kinne,
wiej hae doa gaet, verkleid es haan.
Rondom zich haer 'n ren vol hinne,
löpt hae parmantig vuëren aan.