Heël mien laeve wil ich gaeve, veur mer aeve,
aeve 'n augenblik mit dich.
Ich höb nachte ligke wachte, in gedachte,
dach ich mer ummertoe aan dich.
Deze druim dae ich in mien hertje droog,
dae druim kaom oet sinds dae aovend dat ich dich vroog :

Refrein:
Wals mit mich door de waereldsjtad, sjat,
wals mit mich door de nach,
wo de sjterkes fónkele, 't mäönke nao ós lach.
Dan zègk ich dich wie verleefd ich bèn,
neet meër zonger dich kèn, mit dich wiejer wil gaon,
tesame dit laeve in leef en lijd doorsjtaon.
Walsend mit dich door die waereldsjtad,
jao, dat haet toch wat, om mit wiejer te gaon,
tesame dit laeve in leef en lijd doorsjtaon.

Leefdesbreve, vol gesjreve, veul mich sjweve,
ich bèn soms heëlemaol van sjlaag.
Bèn herbaore, veur amore, veul nao jaore,
weer èns die vlinders in miene maag.
Deze druim dae ich in mien hertje droog,
dae druim kaom oet sinds dae aovend dat ich dich vroog