Refrein:

Wat kin ut sjille!? ’t Is vastelaovend hej!
Sjeet mich mer lek, hej zuusse drek: niks is te dol
Wat kin ut sjille!? ’t Is vastelaovend hej!
Hej geit non-stop ut gaas d’r op: wae haoje vol
Ai-ai-ai-ai…niks krieg ós klein
Ai-ai-ai-ai… bliéf oppe bein
Ai-ai-ai-ai-ai-ai… bikkele mèt ein
Wat kin ut sjille!? ’t Is vastelaovend hej!
Gin centje pien wae hebbe joeks as medicien

Slot: Dit is wie ózze vastelaovend huurt te zien!

Couplet 1:

Aafgebete nagels van ut wachte um te gaon
Hoeëgtevrees gekrege van ut oppe taofels staon
Walle van ech alle nachte fieës en slaopgebrek
Spit van hoeëgtepunte mèt de prins op miene nek
Ach ich weit wie det hej geit, dit is de vraog waor ut um dreijt:

Couplet 2:

Sjoorpepere kael want keihèl galdere is sjiek
Oere soeze van de sjaele wazel en meziek
Krompgetrokke vingers van de kaoje glaeskes beer
Dizzy van ut sjoenkele, zoë lekker op en neer
Ach ich weit wie det hej geit, dit is de vraog waor ut um dreijt:

Brug:

Dit is waor ich mich vanaaf aswoensdig al op spits
Dus bin ich kampioen in bliéve hange wies ut lits
’s Mèrges waer ich wakker mèt de lach nog op mien snoét
Ouch al zeet mien speegel dan: wat zuusse toch d’r oét…