Woë ich geboore ben, woë ich de lüj good ken
Doa is mie Limburgs land, dat sjoëne huëvelland
Woëbei die wuëd da hüre, die dieng gedanke kluëre
De ziél van elk verhaal, dieng eege taal

‘t Dialekt is nit va sjtee
‘t Verendert mit d'r tied
En eigelik moste ‘t nit sjrieve
Mè zeeng en kal 't, zoëdat ‘t bliet

Of d'r Mijnsitriëk of t Huëvelland
Ja jiekere sjtriëk zien eege variant
En weë dan echt good loestere wil
Deë huët direkt waal 't versjil

Wat makt ‘t oet, wat makt 't oet
Ofste noe onkruid zeës of kroed
Is ‘t inne kruppel of inne krutsj
Vluugt doa noe ing musj of utsj
Ich lig toch lekker in de wei
Es ich mit dich vrie of vrij
Och wat makt ‘t eigelik oet
D'r bekker bakt toch weg of broëd

d'r Mijnsjtriëk of ‘t Huëvelland
Jiekere sjtriëk zien eege variant
En weë dan echt good loestere wil
Deë huët direkt waal ’t versjil

Wat makt ‘t oet, wat makt ' t oet
Ofste noe huuske zeës of boet
Mit e tzimmer is nieks mis
Es ‘t mar dieng kamer is
Ligk ich leever in mie bed
Of is d'r puusj noe je van het
Och wat makt ‘t eigelik oet
' t Is toch mar geweun e woëd

Woë ich geboore ben, woë ich de lüj good ken
Doa is mie Limburgs land, dat sjoëne huëvelland
Woëbei die wuëd da hüre, die dieng gedanke kluëre
De ziél van elk verhaal, dieng eege taal