Rare Sjeng is neet good sjang, veur d'n duuvel nog neet bang,
is zo daaps wiej 'n deur, kint as kwante geine sjleur.
Dae rare mennes op den hook is ein gans aope book.
Zonger windj toch geweijd, man, dae zjweef nog as-ter stjeit.
En det duut mer en det bees, edere daag haet dae zien fees.

Laot dae Frenske mer gewaere, dae haet de herses aan 't zjwaere.
Zien ganse hutje zit vol moos, mit dae jong is flink get loos.
Is mit den hellum op gebaore, zien rare sjtreke noojts verlaore.
Ech zo krangs wie nog niej, och, wat is det menke bliej.
Auch al guf-se 'm geine cent, altied is dae Waus content.

Maffe Wiellie is de klos, haet dekopen ei raedje los.
Sjpann dae jong is eine rare, eine ganse halve gare.
Nae, hae is neet van ees aerd, mer zo maf wie ein paerd,
vol mit kwatsj in ziene kop, en get wazel baove derop.
Jao, dae is ech richtig dol, en get lochte in de bol.

Mer... zeen veer neet allemaol get gesjteurd,
de panne los of deraaf wie det zo heurt?
Jao, jao veer alle ziej aan ziej, misse get sjteke, soms ein riej.
Mer alwaat der naeve laef... det laef, det laef wiej nog niej.