Ich waas nag maar 'n kaerelke,
wie Pap zag taege mich:
'Jong dôw môs gaon voetballe,
ich zeen waal get in dich!'
Maar op de training zak mich,
de mood al in de sjoon,'
wies det meinen trainer zag,
'Dao gaon weej get aan doon'

Refrein:
Weej gaon 'm nôw van Jetje gaeve
Weej gaeve gaas wies oppe plank
Auch al geit 't mei en dèn d'r naeve,
of is 't heej nag get te kort en dao te langk
Weej gaon 'm nôw van Jetje gaeve,
gelamenteer de's van de baan,
Det geit van Jet....Det geit van je....
Det geit van Jetje,det geit t'r taegen aan!

En wie ich al get aajer waas,
ging ich beej de fanfaar.
Maar dao brook mich de zjweit van oët
det waas mich ein geplaar
't meiste sjpulde ich verkiërd,
en auch nag oët de maot
Maar d'n dirigent dae zag,
'ich heb 'nne gôje raod'

't is mich nôw waal duüdelik,
det sjport en meziek
neet veur mich ziën weg gelag
maar ich maak mich gaar neet diëk
Zoèlang as ich van tiëd tot tiëd d'n
boemel op ken gaon
En dèn lekker roope kèn:
'Nôw laot nag maar èns gaon'