Refring:
Wie sjoeën is toch 't leëve, al doeërt 't mar eëve.
Mak toch va jieëker daag e fes, da kumpt vazellef de res.
En blief beij alle zurg neet sjtoan, joa, loat dich mar ins goan.
Want sjoeën is toch 't leëve, al doeërt 't mar eëve.

Went me 's murges wakker weëd, 'n nuje daag zich presenteert,
da kom ins doa hinger, wie sjoeën zint alle dinger,
wat ozze Hergot hat bedach, hè hat joa an âl gedach.
Is 't da neet de mujte weëd, óg al zint v'r mar kot op dees eëd.

Went me 's oaves sjloape geet, en 't nach weëd op ozze eëd,
da loat ins vuerbeij goan, wie 't huuj woar i dieng besjtoan.
En hat de daag dig dat gebrach, jao, wat me houw doava verwach.
Al is 't dig neet gans gelukt, sjloap mit 'ne lach op 't gezich.