't Vastelaovespekske kump weer oet de kas,
't heutje en 't maske en de sjluppejas.
Garoets neet te kènne mit 'n gesjmienk gezich,
daorom vraog ich noe aan dich,

Refrein:
: Wie sjrifs doe dich, wie hèts dich,
wo kumps doe toch vandaan?
Wat deis dich en wae bes dich
zèg wat is deine naam?
Gesjmienk in alle kleure, kènt dich nemes trök
meh mit de vastelaovend is dat dien gelök,
meh mit de vastelaovend is dat dien gelök

De mam geit mit de boa en mit de tamoerein,
zich 3 daag amuzere, meh deit dat neet allein.
De pap es uleskuke, 3 daag aan ein sjtök,
zie kènt h'm zoa gaar neet trök

En op esjegoonsdig dan is 't weer gedaon.
En komme veer os taege, es veer weer wirke gaon.
De hoofs neet mjeër te vraoge de zuus noe toch direk,
wae waor dae vastelaovesgek.