Refrein:
Wiebel mèt die vötje of sjtamp mèt diene voot.
Wae gaon weer flink tampiëste want det duit ós good.
Rammel mèt dien belkes of houw ens oppe trom.
Sjpring mèt in de rundje want `t geit zoeë sjnel weer òm

Ze neumdje mich al Kwiebus oppe kleutersjoeël,
terwiel ich zelf neet wis waat ich wäöre woeë.
De meister en de juffrouw die haaje `t toen good,
want `t Kwiebus zeen, det zitj mich in 't blood.

En is `t half november, den krieg ich `t weer kwaod,
begin den weer te dinke aan de Vorst en ziene Raod.
De wages in de optocht en ouch `t Matinee,
`t laeve as 'ne Kwiebus, det vinj ich wal oké.

De kriebels in de tieëne en zenuwe oppe maag.
Ich mos toch zoeë lang wachte op dees 3 sjoeëne daag.
En wäördj `t den Asgoonsdig, pink ich ein träönke weg.
Ein jaor mót ich weer wachte, och God, waat eine pech.