Wiesje es e maegtje
uut de Wieërter binnestad
ich kom um dekker tieëge
en det deut mich altiêd wat
As ich toch de kans krieg,zoeëj ich gaer us met um sjânse
mer eeder jaor verspuuël ich al mien kânse

Refrein:
Wiesje met vastelaovundj
dan zeen ich dich weer,
stieët mien hert in veur en vlam,
Wiesje, met vastelaovundj
dan zeen ich dich weer,
slieëtj de vlam weer in de pan
ich schuufel op dich aan,ut zweit stieët in mien hang
en eindeluk asse nao mich kieks...
staon ich met de mond vôl tang.

Ich bin wat verlaege
det heb ich altiêd gehadj
en achteraaf dan dînk ich
Woeërum heb ich niks gezachtj
As ich toch de kâns krieg,zoeëj ich gaer us met dich dânse
mer eeder jaor opnow, verspuuël ich al mien kânse

Wiesje es e maegtje
Uut de Wieërter binnestal
Oeëts mot ut d'r van koome
Jao dan weurtj ut miêne schat
As ich toch di-j kâns krieg, gieët de werreldj vôr mich oeëpe
dae vastelaovundjtiêd, leutj mich dao weer op hoeëpe.

Refrein:
Wiesje, met vastelaovundj
dan zeen ich dich weer
stieët mien hert in veur en vlam
ich schuufel op dich aan, ut zweit stieët in mien hang
en eindeluk asse nao mich kieks...
vurman ich mich en kus dich op dien wang !

Wiesje es e maegtje
uut de Wieërter binnestad
Ich kom um dekker tieëge
en det deut mich altiêd wat.