Zèg zulle vae danse gaon

Tekst: 
Paul Meysen
Muziek: 
Paul Meysen
Artiest: 
Album: 
Plaats: 
Weert
Jaartal: 
1978

Zèk zulle vae danse gaon, zoee lekker in 't roond,
en dan niks as drei-jje en mèr spreenge oppe groond.
Zèk zulle vae danse gaon, zoee lekker in 't roond,
dan kriegs-tich 'n muulke op dien wang en op dieene moond.

Tjeu en Lies di-j zooje nao 't boorebal tow gaon,
mèr oongerwieege blieef Tjeu mei-j vuur 'n klein kefeeke staon.
Hae huurdje 'nne accordion en toen waas 't gedaon,
en nao un paar sekonde kos hae neet stil mieer blieeve staon.

Pierke van de naober, dae es nog zoee greun as graas,
want wi-j ich lest met hem 'n pötje beer aan 't dreenke waas,
toen zoog hae 'n schoeen maegdje staon en leep wi-j 'nne haas.
Ochèrm hae zoog völs te laat, det 't zieen zöster waas.

De boore-hermeni-j, di-j luiptj in Wieert altieed vuurop,
en vuur dej-jae 't wetj stieet hieel de tent dan op zieene kop.
Dae boor-blaosmeziek dao kan gein djoekbôks tiegenop,
want waat de boore spuuele, stieet heej altieed aan de top.