Zet toch ing kier in 't joar

Tekst: 
Piet de Munter
Muziek: 
Piet de Munter
Artiest: 
De Leedjessjrievers en 't Sjlagerkoeër
Album: 
'De leedjes 1993' - de Winkbülle CD0193
Plaats: 
Heerlen
Jaartal: 
1993

Refring:
Zet toch ing kier in 't joar, ing bolhood en ing fesnaas op.
Ut is toch ging bezjwoar, um ins inge kloon te zieë.
Ing sjunne wiets en lekker lache deed zoeë good, joa,
dat huert oach beij ut leëve, wie os daaglijks broeëd.
Zet toch ing kier in ut joar de narrekap ins op.
Kom zet ze op, zing mit os al, joa prosit, Karnaval.

Joa, leef luuj, wie sjoen is toch ut leëve,
al is ut, dat de zon neet ummer sjiengt.
Toch motte vier d'r giekere daag noa sjtreve,
ing tevreije en gelukkig miensj te zieë.
Loar doarum mer ins vaare al dieng zurge,
zing mit ing bliej en opgewek gemood.
En dink toch huuj neet aan der daag va murge,
want murge toch kumt oach werrum alles good.

I Heële joa, doa leet ut zich good leëve.
Me hat er vreujt zieng sjpas en zieng verteer.
Doa hat ut joarelank veul sjuns gegeëve,
en karnaval viert giekerinne doa geer.
Loat doarum al dieng zurg en leed ins vaare,
zing mit ing bliej en opgewek gemood.
Ing kloonsnaas op en ing pruuk mit roeëwe hoare,
dan weëd vuer dich der vasteloavend good.