Zetj de pruueke mer op !

Tekst: 
Henriette Lalieu-Verheijen & Elly Philips-Hermans
Muziek: 
Henriette Lalieu-Verheijen & Elly Philips-Hermans
Artiest: 
Elly en Henriette
Plaats: 
Ospel

Vae hebbe pas weer den Hoempa gehuurdj,
zoee prachtig en zuuver van toeen.
Ze doon soms wat gek, mer det stuuertj os toch neet,
songer eur kooste vae dit neet doon.

Zetj de pruueke mer op en dotj schmink oppe kop,
't es vastelaovundj.
Trektj uch nergus niks van aan, dotj eur gekste klei-jer aan,
't es vastelaovundj.
Auch de schoon huure dur bi-j, vae gaon stappe, OLE !
't es vastelaovundj.
Zetj de steul aanne kantj, gaeftj deindanger un handj:
vastelaovundj in 't landj.

Steltj uch us veur det de Raod neet bestong,
dan waas hi-j toch neet veul te doon.
Van smergus vreug tot saovus hieel laat,
ze zieen toch altieed weer paraat.

In oos Vlikkelandj, in oos Vlikkelandj,
jao, hij op 't Doospel,
kosse vae handj in handj, springe net de bandj,
jao, hij op 't Doospel.
Det geveul det ich krieeg, van 't goudgaele beer,
jao, hi-j op 't Doospel.
Waat de minse hij doon, deut mien hert sneller slaon,
det mot blieeve bestaon.